Në pak fjalëPërmbledhje nga AI
Artikulli thotë se përplasjet mes Xheneta Fetahut dhe Milaim Zekës vazhdojnë edhe pas pjesëmarrjes së saj në “Big Brother VIP Kosova 3”, duke u përshkallëzuar me akuza dhe paralajmërime për publikim dëshmish. Sipas tekstit, Zeka i drejtoi akuza të rënda Xhenetës në një intervistë, ndërsa Xheneta reagoi më pas në Instagram.
Përplasjet mes Xheneta Fetahut dhe Milaim Zekës duket se nuk kanë marrë fund as dy vjet pas pjesëmarrjes së saj në “Big Brother VIP Kosova 3”. Madje, këtë herë situata ka eskaluar me akuza të rënda dhe paralajmërime për publikimin e dëshmive.
Gjithçka nisi pas një deklarate të Milaim Zekës në emisionin “She’s On Air”, ku ai u pyet për qëndrimin e Xhenetës ndaj Brikenës, pasi kjo e fundit ishte shprehur se është “pronë e Mateo Borrit”.
Zeka nuk i kurseu kritikat ndaj ish-banores, duke e akuzuar për sjellje edhe më të rënda se ato të Brikenës.
“Nuk ka të drejtë t’i kundërvihet. Xheneta është hala më keq se Brikena. Hala më keq. Xheneta ka demonstruar dhunë, dhunë në Big Brother, jashtë Big-ut”, u shpreh ai.
Por këto deklarata nuk kaluan pa një përgjigje nga Xheneta, e cila reagoi drejtpërdrejt në Instagram, duke bërë akuza të forta ndaj ish-opinionistit.
