Në procesin gjyqësor për dosjen “Gërdeci”, ndaj ish-ministrit të Mbrojtjes Fatmir Mediu, ka nisur pyetja e dëshmitarëve të thirrur nga mbrojtja. I pari që dëshmoi ishte ish-zëvendësshefi i Shtabit të Përgjithshëm të Forcave të Armatosura, Agim Lala.
Seanca u shoqërua me debate, pasi avokatët kërkuan që fillimisht të përfundonte pyetja e dëshmitarëve të thirrur nga SPAK. Prokuroria bëri me dije se dëshmitarja Anjola Agolli nuk ishte gjetur.
Gjatë dëshmisë së tij, Agim Lala deklaroi se ministri i Mbrojtjes nuk merrej me çështje teknike si kalibrat dhe procedurat e demontimit. Ai u shpreh gjithashtu se kostot e transportit ishin mbuluar nga shteti, në përputhje me dispozitat ligjore të kohës.
Lala foli edhe për dy urdhra lidhur me barutin, njëri për asgjësimin e tij në natyrë dhe tjetri për vendosjen në kontenierë, duke sqaruar se këto urdhra jepeshin nga ish-shefi i Shtabit, Luan Hoxha.
I pyetur për largimin nga detyra, Lala deklaroi se kishte paraqitur dorëheqjen te ministri, por ajo nuk ishte pranuar. Sipas tij, arsyeja lidhej me marrëdhëniet që kishte me shefin e Shtabit.
Në për fundim, seanca u shty për javën e ardhshme, kur pritet të dëgjohen edhe katër dëshmitarët e radhës.
ma r nga ora ne ws na ndiqni hap pas hapi per te reja
