Një romancë e mundshme mes Drini Zeqos dhe Heidi Bacit
është kthyer në temë diskutimi në rrjetet sociale gjatë orëve të fundit.
Dy personazhet e njohur të ekranit po përfliten për një marrëdhënie
që mund të shkojë përtej bashkëpunimit të tyre televiziv.
Gjithçka ka nisur nga komentet e disa ndjekësve, të cilët pretendojnë se i kanë parë Drinin dhe Heidin në momente romantike në disa ambiente të Tiranës. Këto pretendime kanë nxitur dyshime për një lidhje të mundshme mes tyre, megjithëse deri tani nuk ka asnjë konfirmim publik.
Dyshja aktualisht punon së bashku në programin “Për’puthen”, ku Heidi Baci është në rolin e moderatores, ndërsa Drini Zeqo është një prej opinionistëve të formatit.
Bashkëpunimi i tyre në ekran ka bërë që vëmendja e ndjekësve të përqendrohet edhe te raporti që kanë jashtë studios, ndërsa fotografia e tyre së bashku po shoqëron diskutimet për romancën e përfolur.
